Jakub Jankto, futbollisti në pronësi i Getafes, i cili është i huazuar te Sparta e Pragës, ka bërë publike këtë të hënë se është homoseksual. Me një video emocionuese mesfushori çek u ka komunikuar të gjithë ndjekësve: “Jam homoseksual dhe nuk dua të fshihem më”.
Futbollisti sezonin e kaluar ka luajtur për Getafen, klub që ka të drejtat e tij sportive. Tashmë pjesë e skuadrës çeke, ka vendosur të pranojë publikisht homoseksualitetin e tij.
“Si gjithë të tjerët, edhe unë kam pikat e mia të forta, kam dobësitë e mia, kam familjen, kam miqtë e mi, kam një punë që prej vitesh e bëj maksimalisht, me seriozitet, profesionalizëm dhe pasion.
Si gjithë të tjerët, edhe unë dua ta jetoj jetën time në liri, pa frikë, pa paragjykime, pa dhunë, por dashuri. Unë jam homoseksual dhe nuk dua të fshihem më”, – tha Jakub Jankto në një video të postuar në rrjetet sociale.
Mesazhi i Janktos, i qartë dhe i drejtpërdrejtë, është nga një person i lirë, që dëshiron të bëjë një hap përpara në një botë të futbolli ku deri më tani shumë pak kanë thyer heshtjen për këtë çështje.
Edhe pse lojtari çek nuk është futbollisti i parë që e bën publik homoseksualitetin e tij, ai është i pari që ka luajtur në La Liga.
Pa dyshim që hapi përpara i Jakub Jankto është një gjest i guximshëm.
🚨Sparta Prague’s Jakub Jankto has become the first current men's international footballer to publicly come out as gay ❤️
"I no longer want to hide myself."#LGBTQ champions such as Jakob are real inspirations in the fight for more equality in sport 🏳️🌈👏https://t.co/fi8IfNRPFZ
— Football Confidential 🌐 (@footballconfid1) February 13, 2023
