Barcelona ka përforcuar krahun e djathtë të mbrojtjes me një meksikan. Klubi katalanas ka siguruar shërbimet e Julian Araujos.
21-vjeçari vjen nga amerikanët e Los Angeles Galaxy për shumën e 4 milionë eurove.
Araujo do të mbërrijë ditën e enjte në Barcelonë. Pas testeve mjekësore, ai do të firmosë deri në vitin 2026.
Anësori i djathtë ka lindur në California dhe në dhjetorin e vitit 2020 debutoi me kombëtaren e SHBA.
Më pas ndërroi mendje dhe zgjodhi të përfaqësonte Meksikën, fanellën e së cilës e ka veshur tri herë deri tani.
Skuadra e Xavit rikthehet në fushë të enjten në “Camp Nou” përballë Manchester United.
