Një shqiptar ka rënë në prangat e policisë franceze pasi ka vrarë një person me thikë pas një sherri të çastit.
Sipas mediave vendase mësohet se ngjarja ka ndodhur në orët e para të mëngjesit të sotëm në shtëpinë e viktimës.
I dyshuari, një 30-vjeçar shqiptar me banim në të njëjtin pallat, është arrestuar menjëherë pas ngjarjes dhe është dërguar në paraburgim.
Shqiptari ka shpjeguar se ka pasur një debat me viktimën gjatë ditës së martë për çështje që kanë të bëjnë me fenë. Ka qenë një fqinj i viktimës që ka lajmëruar policinë.
Pasi e ka masakruar me thikë 34-vjeçarin, shqiptari i ka bërë video të trupit dhe ia ka dërguar në aplikacionin Snapchat fqinjit të tij. Ndërkohë, 30-vjeçari rezulton të jetë me precedent të mëparshëm penalë.
