Adminitsrata Tatimore ka bërë thirrje për kujdes të shtuar bizneseve për disa persona që hiqen si punonjës tatimorë.
Në njoftimin e saj ajo publikoi edhe të dhënat dalluese për të dalluar mashtruesit nga punonjësit tatimorë.
Njoftimi:
Administrata Tatimore ka identifikuar individë të caktuar, që mashtrojnë bizneset duke u prezantuar si punonjës tatimorë, megjithëse nuk janë të punësuar në strukturat e Administratës Tatimore.
Sqarojmë tatimpaguesit dhe opinionin publik se punonjësit e Administratës Tatimore ushtrojnë detyrat e tyre funksionale, në zbatim të legjislacionit tatimor në fuqi, duke u identifikuar në subjekte me elementet si më poshtë:
– Badge identifikues (Emer/Mbiemër/Foto/Pozicioni i punës/Emërtimi i Drejtorisë)
– Urdhri i punës i firmosur nga drejtuesi i Drejtorisë përkatëse
– Uniformat dalluese me mbishkrimin: Administrata Tatimore.
Administrata Tatimore i bën thirrje të gjithë tatimpaguesve të bëjnë kujdes nëse përballen me persona të dyshimtë, që nuk i kanë elementet si më sipër, të mos lejojnë futjen e tyre në ambjentet e biznesit si edhe të denoncojnë menjëherë në kanalet e komunikimit të Administratës Tatimore:
– denoncime@tatime.gov.al
– zyraeshtypit@tatime.gov.al
-zyraebashkeqeverisjes@shqiperiaqeduam.al
si edhe të kontaktojnë Qendrën e Thirrjeve, numrin e gjelbër: 08000002.
