Një helikopter ushtarak ka shpërthyer në flakë pasi u rrëzua në autostradë në Alabama, gjatë një misioni rutinë stërvitore.
Sipas mediave vendase mësohet se si pasojë kanë mbetur të vdekur dy ushtarakët të cilët ndodheshin në helikopter.
Personat që kanë qenë në vendin e ngjarjes kanë pohuar se nuk kishte asnjë mundësi që dikush të mbijetonte helikopteri Black Hawk goditi tokën.
“Ai shpërtheu nga përplasja dhe po digjej” kur zjarrfikësit mbërritën pak pas orës 15:00, tha zëdhënësi i zyrës së Sherifit të Qarkut Madison, Brent Patterson.
Dy trupat u gjetën në bord, ndërkohë nga kjo përplasje nuk pati të tjerë të lënduar.
Arsyet e rrëzimit mbeten të panjohura dhe një hetim është nisur nga autoritetet federale dhe shtetërore.
Dëshmitarja Tammy Adams i tha filialit të ABC WAAY se fillimisht mendoi se kishte dëgjuar një makinë pa silenciator përpara se të ngrinte lart për të parë helikopterin.
“Pastaj bam, dëgjuam një goditje. E pamë që u përplas në tokë dhe shpërtheu”, tha ajo. “Ne e dinim se askush nuk mund t’i mbijetonte asaj.”
Një tjetër dëshmitare, Chermonica Johnson, shtoi: “Nuk ka asgjë atje, fare as që mund të thuash se ishte një avion”
Ndërkohë, gjenerali Warner Ross, i Tenesit, tha: “Jemi thellësisht të pikëlluar nga humbja e dy Gardistëve Kombëtarë të Tenesit dhe lutjet tona janë me familjet e tyre gjatë kësaj tragjedie zemërthyese.
“Ne kërkojmë nga Tenesianët të bashkohen me ne për të mbështetur familjet e tyre gjatë kësaj kohe pikëllimi të paimagjinueshme”, tha ai.
