Ish-kryetarja e Kuvendit, Jozefina Topalli, i është bashkuar sot protestës së opozitës para Kuvendit. Ajo tha se është e paprecedent që të përjashtohet gjysma e grupit parlamentar vetëm që Edi Rama të ndihet i sigurt kur të shkoj në parlament.
“Në tre dekada nuk ka ndodhur kurrë që të përjashtohet gjysma e grupit parlamentar në mënyrë që ai të ndjehet i sigurt kur të shkojë në parlament.
Në tre dekada nuk ka ndodhur kurrë që një deputeti t’i hiqet e drejta për të folur për procedurë.
Në tre dekada nuk ka ndodhur kurrë që të mos i përgjigjet kërkesës së opozitës për interpelancë.
Në tre dekada nuk ka ndodhur kurrë që kur opozita kërkon komision hetimor, ata të mos e japin.
Por gjëja më e pabesueshme është që zonja thotë se Byroja ka pezulluar një ligj për komisionin hetimor.
Nuk e di, jam pa fjalë!” tha ajo.
