Pedri pësoi një tërheqje muskulore gjatë duelit të Europa League: Barcelona-Manchester United (2-2).
Talenti i skuadrës katalanase u largua nga fusha në fundin e pjesës së parë, për t’i lënë vendin Sergio Robertos.
20-vjeçari ka kryer kontrollet mjekësore. Problemet në kofshën e majtë do e mbajnë larg fushave për rreth një muaj.
Pedri do të humbasë gjashtë takime mes kampionatit spanjoll, Europa League dhe Kupës së Mbretit.
Barcelona barazoi 2-2 takimin e parë ndaj Manchester United. Skuadra që do të kualifikohet në raundin e 1/8-ve do të përcaktohet në përballjen e “Old Trafford” (23 shkurt).
