Real Madrid vuan në transfertë ndaj Osasunës megjithatë në fund ia del të marrë tre pikë shumë të rëndësishme për garën e titullit duke fituar me shifrat 0-2. Goli i parë për skuadrën e drejtuar nga trajneri Carlo Ancelotti erdhi nga Federiko Valverde i cili realizoi në minutën e 78-të.
Për 24-vjeçarin ishte goli i shtatë në La Liga duke u konfirmuar si një prej elementëve më të rëndësishëm të Los Blancos. Në fund pati kohë edhe për golin e Marco Asensio i cili vendosi në “kasafortë” suksesin. Pas këtij fitoreje, Real Madrid shkon në kuotën e 51 pikëve, pesë pikë larg Barcelonës kryesuese edhe pse duhet përmendur se për momentin kryeqytetasit kanë një ndeshje më shumë se katalanasit.
Nga ana tjetër, Osasuna mbetet në vendin e 10-të klasifikimit me 30 pikë, në një pozitë për momentin komode.
