Kryetari i Grupit Parlamentar në Partinë Socialiste, Taulant Balla, kërkoi nga opozita të heqë dorë nga aktet e saj me qëllim bllokimin e foltores së Kuvendit. Gjatë një deklarate për mediat, Balla i dërgoi një mesazh të qartë ish-kryeministrit Sali Berisha duke i kujtuar se seancat do të bllokohen sa herë ai do t’i bëjë presion sistemin të drejtësisë.
“Rregullorja e saktëson qartë se kur një deputet zapton foltoren masa disiplinore tregohet qartë. Nuk është zbatuar që komisioni sekretariati mund të dyfishojë atë masë. Nuk është koha për të kaluar në dyfishim të masave me shpresën se do të ketë një dyfishim të deputetëve nga ana e Foltores së PD-së. Të shpresojmë se në seancën e datës 23 të kemi një seancë normale. Masa u morën për bllokuesit e punimeve. Seanca do të bllokohen deri kur Berisha do të vazhdojë që ti bëjë presion drejtësisë”, tha Balla.
Pavarësisht se nuk përmendi emra, Balla tha se një deputete e opozitës kishte futur flakadan në seancën plenare.
“Një deputete e opozitës solli në Kuvend një flakadan, veprimin do e kryente Spaho. Unë i thashë Spahos mos e shkrep flakadanin”- tha Balla.
