Një aksident me pasoje vdekjen e një 33 vjecari eshte shënuar mbrëmjen e kësaj të shtune në aksin Elbasan- Cërrik.
Burimet zyrtare të policisë thanë se 41 vjeçari me inicialet O. H, ka aksidentuar me makinën e tij, 33 vjecarin me inicialet N.B, këmbësor.
Mësohet se i riu ka ndërruar jetë rrugës për në spital, si pasojë e plagëve të marra nga përplasja me makinën.
Njoftimi i policisë:
Në aksin rrugor Elbasan-Cërrik, shtetasi O. H., 41 vjeç, banues në Belsh, duke drejtuar automjetin tip “BMW”, ka aksidentuar shtetasin N. B., 33 vjeç, banues në Cërrik, (këmbësor)
Si pasojë shtetasi N. B., ka ndërruar jetë, gjatë transportimit me ambulancë.
Drejtuesi i automjetit, shtetasi O. H. është shoqëruar në Komisariatin e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
