George Russell dhe Mercedes vijojnë testet e parasezonit në Bahrein. Piloti britanik këtë sezon shpreson që skuderia gjermane këtë sezon, ndryshe nga ai i kaluari të ketë ndërtuar një makinë të denjë për të konkurruar për titullin.
Edhe pse duket se te Mercedesi janë paksa mbrapa në përgatitje me Russell i cili së fundmi shprehet se për Çmimin e Madh të Bahreinit do të luftojnë për pozicionet e para, por e sheh të vështirë që të mposhtin Red Bull dhe Max Verstappen.
“Besoj dhe shpresoj se do të kemi një makinë e cila të mund të na lejojë të luftojmë për gjithë garat e sezonit. Edhe pse të paktën për momentin unë e shoh pak të ekzagjëruar pretendimin për të triumfuar në Bahrein. Red Bull duket një makinë shumë e fortë dhe e qëndrueshme. Duhet ta pranojmë se Verstappen piloton me një tjetër ritëm nga pjesa tjetër.
Por, kjo nuk do të thotë se ne te Mercedes nuk do të jemi në garë për titullin Botëror. E di potencialin e Mercedes, por edhe afësinë e tyre për t’u përmirësuar. Ndaj, kam besim të plotë tek skuadra”, u shpreh Russell.
Kujtojmë se gara e parë sezonale do të zhvillohet më datë pesë mars në cirkuitin e Sakhir në Bahrein.
