Deputetja e PL, Monika Kryemadhi në “Ora e Betit” në RTV Ora tha se tani PS do të kishte 4 mandate më pak në rast se “në 25 prill po të kishim qoftë dhe një miting të përbashkët” si dhe nëse “komisionerët të mos ndryshonin procesverbalin”.
Kryemadhi tha se “Tashmë gjërat janë më ndryshe. Dhe vetë PD e ka kuptuar se bashkimi i opozitës ngjall një gjë tjetër.”
Sakaq ajo flet dhe për rritjen ekonomike në vend për të cilën thotë se është shumë më e ulët se në kohën e Metës.
Monika Kryemadhi: Edhe në 25 prill po të kishim qoftë dhe një miting të përbashkët situata do të ishte më ndryshe. Po të kishim që komisionerët të mos ndryshonin procesverbalin, anëtarët e KZAZ në Berat, në Durrës, në Korçë, në Vlorë të mos ndërronin procesverbalin, PS do të ishte me 4 mandate më pak dhe LSI do të ishte me 4 mandate më shumë. Tashmë gjërat janë më ndryshe. Dhe vetë PD e ka kuptuar se bashkimi i opozitës ngjall një gjë tjetër.
“Tani rritja ekonomike mezi e kap 3 për qind, në kohën e Ilir Metës rritja ekonomike ishte 22 për qind. Shqiptarët kishin më shumë para, investonin në shtëpitë e tyre, kshin më shumë standart jetese. Tani me 3 përqind rritje ekonomike është vetëm inflacion.”
