Gazetari Artan Hoxha ka bërë publike për herë të parë audion e radiove të gardistëve që kryen vrasjet e protestës së 21 janarit 2011 në emisionin Top Story të Grida Dumës.
“Nga momenti kur e publikuam për herë të parë në Top News 1 ditë para 21 janarit, se ishte një burim që të çonte tek prova. Nxorrëm transkriptet dhe si gjithmonë u tha se nuk ka audio për këtë. U regjistrua kanali i radios së komandatit të gardës me një mjet të tillë (tregon diktofonin).
Këtë provë vendosa ta çoj te familja e Aleks Nikës, se me ata njerëz kam krijuar një lidhje më tepër se personale dhe e kam ndjekur si histori. Një vrasje që ka ndodhur para gjithë kamerave, dhe nuk gjej arsye se si mund të fshihet si vrasje, sot është pa autor. Në rastin konkret u supozua a ekziston si provë kjo apo jo.
Çështja duhet të shkojë në SPAK, se Gjykata e Tiranës nuk e ka zgjidhur dot për 12 vjet. Më pas familjët e 4 të vrarëve shkuan në SPAK, e kryetari i SPAK u tha se me këtë duhet të merret prokuroria e Tiranës. Më pas hyri loja politike a ekziston audiopërgjimi apo jo,” tha Hoxha.
