Deputetja e PD, Flutura Açka ishte e ftuar këtë pasdite në emisionin “Kjo Javë”, ku foli për skandalet politike në vend dhe zgjedhjet vendore që do të mbahen më 14 Maj.
Açka foli për zgjedhjet e 14 majit, ku tha se ‘sot duhet të ishim në fazën se cilët janë kandidatët më të mirë përballë mazhorancës, ndërkohë jemi përballë pyetjes se kush janë ata dhe a do të kemi 1 apo 2 kandidatë”.
Sakaq ajo shprehur hapur frikën për vjedhjet e votave në zgjidhjet vendore që do të mbahen më 14 maj.
“Sot kam frikë, Shqiptarët duhet të dinë se kush janë kandidatët, por ne jemi ende ne fazën që nuk dimë se kë kemi dhe nëse kemi 1 apo 2. Ne po ushqejmë me këtë naivitet mazhorancën. Janë akte politike të rëndësishme. Dhe unë që jam pjesë e kësaj duhet të kem reflektimet e mia. Nëse do të kishim çuar deri në fund betejën e 25 prillit, nuk e dimë ende pse. kishim dosje të tera por nuk e çuam deri në fund se u morëm se kush do jetë në krye të PD. Pse nuk u ngrit komision i zgjedhjeve për 25 prillin. Jemi në rrezik për t’u vjedhur sërish zgjedhjet”, tha Açka.
