Roma bën pikërisht skuadrën italiane në ndeshjen e kthimit me Real Sociedadin, në “Reale Arena”, në San Sebastian. Verdhekuqtë thjesht administruan fitoren 2-0 të “Olimpicos”, duke e mbyllur pa gola ndeshjen e dytë për të prerë biletën për në fazën çerekfinale të Europa League-s.
Pas disfatës në Olimpico me rezultatin 1-2, Lazio bie edhe në transfertë ndaj holandezëve të AZ Alkmaar. Bardhekaltërit u mposhtën me të njëjtat shifra 2-1, teksa ishin të parët që kaluan në avantazh falë golit të Felipe Anderson. Megjithatë, vendasit barazuan shpejt me Karlson ndërsa në fraksionin e dytë Pavlidis i dhuroi avantazhin dhe kualifikimin të tijve në çerekfinale. Kujtojmë se në këtë sfidë nuk ishte i grumbulluar Elseid Hysaj për shkak të një problemi në kyçin e këmbës.
