Gjykata e Apelit ka vendosur ditën e sotme të lirojë nga burgu nënën lehonë, e cila u arrestua ditë më parë për një gjobë të pashlyer për braktisjen e pretenduar të fëmijës së parë nga martesa tjetër, e cila u konvertua në 50 ditë burg.
Lidhur me vendimin e Gjykatës së Apelit Tiranë, bashkëshorti i saj ka falenderuar të gjithë teksa i është përgjigjur edhe disa pyetjeve të gazetarëve.
Ai është shprehur se nuk kanë qenë në dijeni për gjobën, teksa ka shtuar se në momentin e arrestimit të bashkëhsortes së tij, ka qenë në shtëpi.
Mes të tjerash, bashkëshorti i Diana Bahçes është shprehur se ajo ka dashur që ta takojë më përpara fëmijën nga martesa e parë, por nuk është lejuar nga ish-bashkëshorti
Bashkëshorti i Diana Bahçes: Faleminderit nga zemra për të gjithë. Nuk kam qenë në dijeni të kësaj gjobe. Në momentin e arrestimit të saj kam qenë në banesë. Oficeri e ka ditur se kam foshnje. Diana nuk e takon fëmijën e parë që pretendohet se e ka braktisur, nuk e ka lënë ish-burri.
Në martesë e mbrapa jo, por përpara po. Unë po e lejoj të takojë edhe fëmijën tuaj. Shumë e vështirë ka qenë këto ditë që një burrë nuk është si nëna në raport me nënën.
