Një adoleshente është gjetur e vrarë në Freudenberg, Gjermani, pasi kishte dalë nga shtëpia e një shoqeje.
Sipas autoriteteve, dyshohet se viktima është qëlluar me thikë dhe për shkak të humbjes së madhe të gjakut ajo ka humbur jetën.
“Fëmija vdiq si rezultat i plagëve të shumta me thikë dhe humbjes së gjakut”, tha prokurori i Koblenz, Mario Mannweiler në një konferencë për shtyp, duke shtuar se “nuk kishte indikacione për abuzime seksuale”.
Dy vajza, 12 dhe 13 vjeç, kishin pranuar vrasjen, shtoi Florian Locker, kreu i departamentit të vrasjeve në policinë e Koblenz. Dy vajzat “bënë deklarata për këtë çështje dhe në fund e pranuan krimin”, tha Locker. Vajzat dhe Luise e njihnin njëra-tjetrën, shtoi Mannweiler. Por ai nuk pranoi të japë detaje të mëtejshme për shkak të moshës së të dyshuarve, të cilët janë shumë të rinj për t’u mbajtur penalisht përgjegjës për veprimet e tyre në Gjermani.
Në Gjermani mosha e përgjegjësisë penale fillon në 14 vjeç.
Hetuesit nuk e kanë gjetur ende thikën ose thikat e përdorura në sulm, shtoi Mannweiler.
Luise ishte menduar të shkonte nga shtëpia e shoqes së saj, por prindërit e saj ngritën alarmin të shtunën në mbrëmje pasi ajo nuk u kthye.Zhdukja e saj shkaktoi një operacion masiv kërkimi që përfshinte dhjetëra policë, një helikopter dhe dronë.
