Belgjika mposht Suedinë me rezultat 3-0 në ndeshjen e parë të kualifikueseve EURO2024 në Grupin F.
Sulmuesi i Interit, Romelu Lukaku ka shënuar hat-trick.
Belgët, me përzgjedhësin e ri, Domenico Tedesco, kaluan në avantazh në minutën e 35-të.
Dodi Lukebakio harkoi nga e djathta, dhe Lukaku u hodh dhe e dërgoi topin me kokë në rrjetën e portierit suedez Robin Olsen.
E njëjta dyshe ishte përgjegjëse edhe për golin e dytë, vetëm se Lukebakio u fut në zonën e penalltisë së Suedisë në minutën e 49-të dhe gjeti sërish Lukakun me një top të mirë në zonë, ku sulmuesi e dërgoi me lehtësi në rrjetë.
Goli i tretë erdhi në minutën e 83-të, kur Johan Bakayoko asistoi te Lukaku, i cili shënoi golin e tripletës personale.
Së bashku me Belgjikën dhe Suedinë, në Grupi F janë edhe Austria, Estonia dhe Azerbajxhani.
