“E prisja shkatërrimin e PD”/ Bregu: Kryetar nuk të bën vula dhe as logo

113 563 lexime

124,178FansaPëlqeje

Ish-ministrja e Integrimit ka folur lidhur me situatën në Partinë Demokratike.

Në një dalje mediatike, Bregu tha se ishte e përgatitur për këtë situatë në të cilën PD-ja ndodhet. Ajo u shpreh se frika më e madhe e saj në kohën që u largua, ishte se partia do të kalonte në një process vetëshkatërrimi, gjë e cila sipas saj ka ndodhur sot.

Ish-ministrja tha se Lulzim Basha e mori partinë dhuratë kur erdhi në krye, por nuk diti ta menaxhonte, e ndërsa më tej si dhuratë i shkoi edhe Enkelejd Alibeajt. Bregu thekson se kryetar partie nuk të bën logoja e as vula.

“Nuk e di nëse jam e habitur, jam e tronditur apo jam e përgatitur?

Unë do të them se isha e përgatitur, sepse të paktën në momentin ku jam larguar unë nga PD, fatkeqësisht leximi se çfarë do të vinte më pas  ishte shumë i qartë dhe ju e mbani mend shumë mirë. Kemi qenë bashkë në atë kohë, që frika më e madhe ishte se partia do të kalonte në proces vetëshkatërrimi.

Gjë që ka ndodhur sot, kështuqë, një ditë, që mali sapo mbarset “pjell një mi” apo në ditën tjetër duket sikur ka një ngjyrim më të madh, në fund të ditës, rezultati fatkeqësisht është ky që shihni të gjithë.

Deri diku besoja se ajo le të themi, ose ai shembull i ke i dhënë, kur Lulzim Basha mori një parti dhuratë dhe nuk diti të menaxhonte, përveçse e shkatërroi dhe nuk diti ta menaxhonte, do ndalej me të, por partia dhuratë e Lulzim Bashës i shkoi Enkelejd Alibeajt dhe ja ku jemi”, tha Bregu. 

Nuk të bën kryetar logo sikurse nuk të bën as vetëm vula, por ky nuk është problemi për të gjetur fajtorin sot, ky nuk është problemi që ti nuk je i zoti, problemet janë aq të mëdha në PD, të strukturuara vit pas viti sa sot është tërësisht e vështirë dhe me sa duket fatkeqësisht duhet të bëhet akoma më keq për t’u bërë mire,” tha Majlinda Bregu.

Lexo edhe :  Pandeli Majko: Mua më takonte të isha në listë të hapur, jemi në situatë delikate

Kujtojmë se Majlinda Bregu u largua nga PD-ja pas kritikave dhe përplasjes së saj me Lulzim Bashën.

Ish-ministrja e Integrimit më pas mori dretimin e Këshillit të Bashkëpunimit Rajonal, në Sarajevë.

Të fundit

Punësimi nga shtëpia dyfishohet në Shqipëri, çfarë do të thotë kjo për tregun e punës?

Nëse gjatë pandemisë ishte detyrim, tashmë puna nga shtëpia për shumë persona po shihet si një oportunitet duke harmonizuar...

“Janë vdekjeprurëse”/ Alkerta Ibranji: Ja ushqimet që i shkaktojnë alergjitë

Alergologe Alkerta Ibranji ishte këtë të diel e ftuar në “Health o’clock” në Euronews Albania për të folur për problemet që na vijnë nga...

“Me Partizanin për jetë a vdekje”, Bledi Shkëmbi: Ja si e fitojmë derbin e kryeqytetit

Për Tiranën nesër është “jetë a vdekje”. Bardheblutë duhet të fitojnë me patjetër në derbin kundër Partizanit, ndryshe rrezikojnë të rrëzohen nga kategoria. Në...

Rëndohet situata meteorologjike në qarkun e Kukësit, trashësia e dëborës arrin në 20 cm

Orët e pasdites kanë sjell rëndim të reshjeve të borës ku në lartësi mbi 800 metër trashësia ka arritur deri në 20 cm. Reshje bore...

Kroacia kthen pas edhe specat nga Shqipëria! Rrezik i lartë për pesticide

Më 12 Mars, përmes sistemit të alarmeve të shpejta të BE-së (RASFF), një ngarkesë me speca nga Shqipëria, që kishte nivele të larta pesticidësh,...

Lajme të tjera

Web TV