Boksieri britanik Anthony Joshua u rikthye fitues në ring pas dy humbjesh dhe tashmë ëndërron që për të tretën herë në karrierën e tij te shpallet kampion bote. Ai ka shënjestruar patriotin e tij Tyson Fury për një duel, me shpresën që t’i rrëmbejë titullin kampion të kategorisë WBC.
Dy ditë pas fitores ndaj Jermaine Franklin ne Londër, ish-kampioni i botës u shpreh: “Unë e di se kë duan tifozët per duelin tim te radhës, ai është Tyson Fury. Tashmë topi është në fushën e tij dhe të vendosë se çfarë do të bëjë. Une do të isha i nderuar të dueloja për titullin kampion t WBC”.
Më tej, Joshua i çon nje mesazh Furyt: “Nese Tyson po më degjon, ai e njeh promovuesin tim dhe le te bisedojmë. Ne kemi pasur dialog më parë mes nesh, kështu që le ta vazhdojmë atë që lamë në mes disa muaj më parë. Nuk po bëhemi më të rinj dhe koha kalon, ndaj le t’u japim fansave atë që duan”.
Promotori Eddie Hearn mbështeti Joshuan në këtë kërkesë, duke shtuar: “Joshua dëshiron luftimet më të medha. Kjo fitore ndaj Franklin largoi presionet që kishte pas humbjeve me Usyk.
Tani presim një reagim nga Fury. Jemi gati te rinisimin bisedimet për një duel me Tyson Fury këte vere”.
