Milani dhe Empoli kanë barazuar (0-0) në kuadër të javës së 29-të në Serie A.
Pjesa e parë u mbyll me dominimin e kuqezinjve që rrezikuan disa herë portën.
Ante Rebic ishte i pari, ndërsa pas tij tentoi edhe Theo Hernandez.
Sandro Tonali ishte gjithashtu afër të shënonte në fundin e pjesës, por pa sukses.
Edhe pjesa e dytë nisi me Milanin që kishte raste për gol, ku fillimisht rrezikoi Tommaso Pobega.
Milani në dy raste kërkoi penallti, por pas rishikimit të VAR u vendos që nuk kishte.
Në minutën e 89-të, Olivier Giroud shënoi, por pas verefikimit në VAR, arbitri pa që ai kishte prekur topin me dorë.
Deri në fund sfida u mbyll me Milanin në sulm, që nuk arriti të shënojë në këtë përballje.
Kuqezinjtë kanë 52 pikë dhe mbajnë vendin e tretë, ndërsa Empoli është i 14-ti me 32 pikë.
