E rëndë/ 6-vjeçari qëlloi me armë zjarri mësuesen, nëna e tij përballet me akuza penale

113 563 lexime

124,178FansaPëlqeje

Nëna e një fëmijë 6-vjeçar që qëlloi mësuesen e tij në një shkollë në Virxhinia është vënë përballë akuzave penale. 25-vjeçarja, Deja Taylor akuzohet për neglizhencë të fëmijës dhe për kundërvajtje.

Më herët, Policia kishte njoftuar se arma e përdorur në të shtënat në shkollën e Virxhinias, i përkiste nënës së fëmijës, Taylor.

Më 6 Janar kur ndodhi ngjarja, fëmija e kishte armën në çantën e shkollës. Në një moment gjatë orës mësimore, ai e nxorri armën nga çanta dhe qëlloi mbi mësuesen 25-vjeçare Abigail Zwerner në dorë dhe në gjoks. Mësuesja u plagos rëndë, por për fat të mirë i mbijetoi të shtënave.

Në një deklaratë, prokurorët e çështjes thanë se nëna e fëmijës, Taylor është akuzuar për neglizhencë të fëmijës dhe për kundravajtje për lënien në mënyrë të pakujdesshme të një arme zjarri të mbushur duke rreziku kështu edhe fëmijën. Ata shtuan se këto akuza vijnë pas një hetimi të plotë të ngjarjes.

Më herët, familja kishte thënë në një deklaratë pas të shtënave se arma ishte e siguruar. James Elleson, një avokat i familjes, tha për Associated Press se arma kishte qenë në dollapin e nënës në një raft të sipërm dhe se kishte një bllokues këmbëze.

Nga ana tjetër, mësuesja e plagosur ka akuzuar zyrtarët e shkollës se kanë injoruar paralajmërimet e shumta se djali kishte një armë ditën e të shtënave dhe i ka paditur ata për neglizhencë të rëndë.

Të fundit

Klauzola më e famshme e momentit, reagon Barcelona: Do e paguajmë!

“Nëse një mundësi në treg e kërkon investimin bazuar te klauzola, Barca është gati të bëjë atë që është...

Ku shkojnë ambiciet e Putinit?

Shtetet e Bashkuara dhe Bashkimi Europian nuk janë akoma të qartë për ambiciet e Vladimir Putin në Ukrainë. Vetëm në Samitin e NATO-s në...

Danimarka tregon se është i zoti i shtëpisë në Groenlandë

Danimarka po organizon këtë muaj një nga stërvitjet më të mëdha ushtarake në Groenlandë, me pjesëmarrjen e një fregate, avionëve luftarakë F-16, forcave speciale,...

Arjan Ndoja dëshmon për atentatin e 2019! Përballet në gjyq me dy të akuzuarit

Arjan Ndoja është marrë në pyetje sot në GJKKO, në gjyqin ndaj Plarent Dervishit dhe Julian Meçes lidhur me atentatin e bujshëm të 1...

Kosovë, KQZ miraton listën e votuesve për zgjedhjet lokale, 41 mijë zgjedhës më pak

Komisioni Qendror i Zgjedhjeve (KQZ) në mbledhjen e 41-të të këtij viti, u njoftua me Raportin Informues mbi Listën Preliminare të Votuesve (LPV) për...

Lajme të tjera

Web TV