Ish-kryeministri Ramush Haradinaj thotë se marrëveshja mes Kosovës dhe Serbisë është më e mira e mundshme, duke u bërë ndër të paktët politikanë në opozitë me Albin Kurtin, që vlerësojnë përpjekjet për arritjen e dialogut.
“Marrëveshja është më e mira, nuk e ka rezultatin final që do të ishte njohja bilaterale me Serbinë, por krejt materia e kësaj marrëveshjeje është më e mira që ekziston”, ka thënë Haradinaj ne Klan Kosova.
Ish-kryeministri është shprehur se nenet që janë pjesë e marrëveshjes nuk janë krijuar për marrëdhënien në mes të dyja vendeve, por, sipas tij, janë të cituara nga konventa ndërkombëtare me të cilat kanë funksionuar shumë vende. Ai theksoi se në këtë marrëveshje nuk flitet për autonomi.
“Ne mund ta shajmë Kurtin sa të doni, ruajuni me marrëveshjen, nuk janë autonomi, nuk ka kompensime për Serbinë në këtë marrëveshje. Marrëveshja është e mirë, veç harrojeni Kurtin një herë. Nuk e ka shkruar Kurti marrëveshjen po është e Amerikës, mendoj më së shumti kontribut aka ajo”, është shprehur Ramush Haradinaj.
