Kun Aguero ka thënë një frazë tepër polemizuese në një nga daljet e tij të fundit lidhur me golat e shënuar nga Cristiano Ronaldo.
“Shikojeni, shikojeni ku shënon… Të gjithë golat nga gjuajtjet e lira janë fat i pastër. Ata të Messit janë të gjithë me kënd. Mendoj se edhe Raul ka shënuar gola më të mirë, madje edhe Benzema”, komentoi Aguero.
Në një video prej më shumë se 18 minutash, të ndarë mes momenteve më të mira të Messit dhe Ronaldos, “Kun” zhvlerësoi edhe bukurinë e golave të CR7.
“Sa janë shënuar me goditje të lira? Nga 20 golat më të mirë të Ronaldos, 15 ishin nga gjuajtjet e lira. Në 20 golat më të mirë të Messit, në 15 prej tyre ka dribluar 5 lojtarë”, u shpreh argjentinasi.
“Në vitin 2009, Cristiano Ronaldo fitoi çmimin Puskas me një gol të shënuar rreth 35 metra larg portës, në një goditje spektakolare kundër Portos, kur ishte pjesë e Manchester United. Agüeros nuk i bëri përshtypje ky gol: “Ka qenë gabim i portierit,” u justifikua ai.
