Familja e Michael Schumacher thotë se do të nisë një veprim ligjor ndaj një reviste gjermane e cila përdori inteligjencën artificiale për të gjeneruar një intervistë të rreme me figurën e madhe të Formula 1.
“Die Aktuelle” e publikoi një imazh të ish-shoferit të F1 në ballinën e revistës së saj, me titullin i cili përkthehet “Michael Schumacher, intervista e parë”.
Schumacher nuk ka bërë asnjë paraqitje publike që nga fundi i vitit 2013 pasi që pësoi një demtim të rëndë në tru në një aksident skijimi gjatë një pushimi me familjen në Alpet Franceze, me shumë pak informacion publik rreth gjendjes së tij.
“Asnjë gjysmë fjalie nga miqtë. Por përgjigje nga ana e tij! Nga Michael Schumacher”, pretendoi botimi, përpara se të zbulonte se e ashtuquajtura intervistë ishte krijuar duke përdorur inteligjencën artificiale.
Një zëdhënës i familjes Schumacher për revistën sportive ESPN konfirmoi se ata do të ndërmarrin veprime ligjore si përgjigje ndaj këtij artikulli.
