Sot, miliona njerëz në botë përdorin rrjetet sociale dhe janë të fiksuar pas pëlqimeve në Instagram apo në paltformat e tjera.
Për të gjithë përdoruesit që duan një numër të madh pëlqimesh në Instagram ka një orë ku mund të postojnë dhe të marrin pëlqime më shumë nga sa e presin.
Problemi qëndron tek koha kur postoni. Në stinë të ndryshe ka orë të caktuara që fotot apo videot tuaja ecin më shumë.
Zakonisht në dimër ndikim më të madh kanë postimet që bëhen në orën 08:00 të mëngjesit dhe në orën 20:00 të mbrëmjes. Gjë që ka kuptim pasi ne të gjithë lëvizim pak në mëngjes duke u përpjekur të zgjohemi, si dhe gjatë natës për t’u çlodhur. Mirëpo ndryshe ndodh në verë.
Gjatë stinës së nxehtë duket se është një ide e mirë të postojmë fotot tona në orët e vona të natës. Nga ora 01:00 deri në 02:00 të mëngjesit, atëherë kur nuk ka shumë lëvizshmëri, është mundësia që fotot tona të marrin atë që meritojnë, pasi shumë janë aktivë, por pak postojnë.
