Erling Haaland është shumë pranë një rekordi historik sa i takon Premier League-s angleze të futbollit.
Bomberi norvegjez i Manchester City-t shënoi golin e katërt në triumfin 4-1 të “Qytetarëve” kundër Arsenalit duke regjistruar golin numër 33 këtë sezon të Premier League.
Një shifër e cila e ndihmon të parakalojë Mohamed Salah në listën e golashënuesve më të mirë në elitën angleze.
Tanimë vetëm Alan Shearer me 34 gola në sezonin 1994-95 dhe Andrew Cole po me 34 gola në sezonin 1993-94 kanë shënuar më shumë se ai.
Me ende shtatë ndeshje për të luajtur, duket se Haaland e ka “në xhep” rekordin e ri.
Pritet që në ndeshjet në vijim dhe vetëm me dy gola, norvegjezi të lërë gjurmë në elitën e futbollit anglez duke shënuar një rekord të ri në kampionatin që ka 38 ndeshje.
