Lionel Messi është votuar si Sportisti i Vitit në Botë nga Laureus.
Superylli argjentinas mposhti konkurrencën nga Kylian Mbappe, Max Verstappen dhe Rafael Nadal pasi shtatë herë fituesi i Topit të Artë realizoi ambicien e tij përfundimtare në Katar.
Ai fitoi Kupën e Botës për vendin e tij pasi luajti një rol udhëheqës, teksa iu bashkua Diego Maradonas si dy legjenda që e kanë frymëzuar kombëtaren drejt triumfit.
Ylli 35 vjeçar është aktualisht në qendër të spekulimeve që e lidhin atë me një lëvizje në Arabinë Saudite. Por tani për tani, ai mbetet në Paris Saint-Germain, ku po zhvillohej ceremonia prestigjioze e Laureus.
“Jam shumë i lumtur që po marr pjesë këtë vit – veçanërisht pasi është në qytetin ku jetoj”, ka deklaruar Messi.
“Dua të jem në gjendje ta shijoj atë. Ishte një moment shumë i veçantë në Katar. Ishte trofeu që më mungonte. Ishte e veçantë edhe për bashkëlojtarët e mi dhe për të gjithë vendin”.
“Futbolli ka qenë një mënyrë jetese për mua. Sporti në përgjithësi i bashkon njerëzit me vlera”, ka shtuar më tej ai.
Pasi siguroi trofeun, Messi shpejt kishte lëvdata për ata rreth tij që e ndihmuan argjentinasin të fitonte një çmim kaq prestigjioz.
🏆 Lionel Messi is the 2023 Laureus World Sportsman of the Year.
The iconic footballer reached even greater heights last year, when he inspired @Argentina to a historic third @FIFAWorldCup triumph. 🇦🇷#Laureus23 pic.twitter.com/kE0N7XzC1h
— Laureus (@LaureusSport) May 8, 2023
