Kreu i Partisë së Lirisë, Ilir Meta gjatë një interviste televizive u shpreh se fitorja në tre qytete si Tiranë, Durrës dhe Elbasan është e padiskutueshme.
Gjithashtu nënvizoi se një tjetër objektiv është dhe fitorja e 80% e këshillave bashkiakë në të gjithë vendin.
“Fitorja e trekëndëshit Tiranë Durrës dhe Elbasan është fitore e pa diskutueshme, është minimumi që mund të fitojmë. Nuk ndodh që mos fitojmë.
Nuk ka dështim për opozitën në këto zgjedhje. Objektivi të kemi 80% të këshillave bashkiakë.
Përsa i takon çështjes së kandidatëve, absolutisht nuk ka limit këtu se garojmë në të gjitha bashkitë. Në Korçë është e pa diskutueshme fitorja.
Shqiptarët të shkojnë të votojnë, pasi ai që nuk voton nuk ka të drejtë të kërkoj llogari nesër. Fitorja do të jetë e thellë në të gjithë Shqipërinë”,-tha Meta.
