Presidenti Bajram Begaj dhe homologu polak, Andrzej Duda po mbajnë një konferencë për mediat pas takimit të tyre.
Begaj, gjatë fjalës së tij, Begaj shprehu mirënjohjen për mbështetjen që i ka dhënë Polonia Shqipërisë në rrugëtimin drejt integrimit evropian por jo vetëm.
Begaj përmendi gjithashtu edhe solidaritetin e Polonisë ndaj shqiptarëve në kohën kur vendi u trondit nga tërmeti i 2019-ës.
Begaj gjithashtu u ndal edhe tek bashkëpunimi mes dy vendeve në fusha të ndryshme, si në atë të turizmit, të arsimit dhe shkencës për të forcuar marrëdhëniet dypalëshe.
“Pavarësisht marrëdhënieve diplomatike të lidhura 86 viteve më parë, marrëdhëniet mes dy popujve tanë datojnë që në mesjetë.
Ramë dakord për të dhënë kontributin në nxitjen e mëtejshme të bashkëpunimet, ka shumë fusha të tjera ku mund të bëhet edhe më shumë.
I shpreha mirë për solidaritetin që treguan për kapërcimin e dëmeve të tërmeti shkatërrimtar gjatë tërmetit dhe pandemisë.
Me homologun Duda u ndalëm edhe tek bashkëpunimi ekonomik e tregtar i cili megjithëse ka zhvillime pozitive dhe një kuadër të plotë ligjor është larg mundësive të dy vendeve.
E sigurova presidentin Duda se Shqipëri përbën një ambient miqësor dhe të sigurt për investitorët polakë. Vlerësuam bashkëpunimin në turizëm.
Shqipëria dhe Polonia kanë bashkëpunim të mirë në fushën e mbrojtjes. Shpreha mirënjohje për kontributin që Polonia ka dhënë për paqen dhe stabilitetin e rajonit në Ballkanin Perëndimor.
Vëmendje të veçantë i kushtuam sfidës më të madhe për rendin botëror dhe sistemin e vlerave tona të përbashkëta që po testohen e kërcënohen nga një prej anëtarëve të përhershëm të Këshillit të sigurimit të Kombeve të Bashkuara.
Kërkova mbështetjen e Polonisë për anëtarësimin e Kosovës në NATO”, tha Begaj.
