Politikani dhe biznesmeni kosovar, Behgjet Pacolli ka shpërndarë një reagim të diplomatit Ahmed Shaheed, i cili thotë se Maldivet qëndrojnë krah Kosovës dhe nuk e kanë tërhequr njohjen.
“Zyra e Presidentit sot ka hedhur poshtë kategorikisht pretendimet se Maldivet kanë tërhequr njohjen e Kosovës. Faleminderit President Ibrahim Mohamed Solih”, shkruan Profesor i së Drejtës Ndërkombëtare për të Drejtave të Njeriut Ahmed Shaheed.
Shaheed thotë se Presidenca e Maldiveve kategorikisht ka mohuar pretendimet e presidentit serb Aleksandar Vuçiç dhe ministrit të Jashtëm Ivica Daçiç, se njohja e Kosovës është tërhequr.
“Presidenca e Maldiveve përgënjeshtron sot kategorikisht lajmin e Serbisë (Vuçiq dhe Daçiq) se Maldivet kanë tërhequr njohjen e Kosovës. Pra Maldivet mbeten pa luhatje, në krah të Kosovës”, shkruan Behgjet Pacolli dhe ndan reagimin e diplomatit të Maldiveve.
