Dy skuadra ngushtojnë diferencën me rivalët në gjysmëfinalet e play-off në NBA. New York Knicks rihap betejën për një vend në finalet play off në Konferencën e Lindjes, pas fitores 112-103 ndaj Miami Heat.
Një ndeshje e mirë për vendasit, ku u dallua Brunson me 38 pikë, mbështetur edhe nga Barrett me 26 pikë e Randle me 24 pikë. Për Miami, dyshja Butler-Adebayo realizoi 37 pikë së bashku, pak për të synuar fitoren. Gjithsesi, Miami udhëheq 3-2 serinë e takimeve dhe mjafton një fitore për kaluar në finale.
Po 3-2 udhëheq serinë e ndeshjeve gjysmëfinale edhe skuadra e Los Angeles Lakers në Perëndim, që u mund 121-106 nga kampionët e Golden State. Në fushën e vet, skuadra e Warriors nuk gaboi, duke dominuar e fituar falë 27 pikëve të Curry dhe 25 të Wiggins.
Për Lakers, LeBron James realizoi 25 pikë dhe Davis 23, por që mbetën për statistikë. Pas dy ditësh do të luhet në fushën e Lakers, aty ku i kanë fituar të gjitha ndeshjet, si në play-in, ashtu edhe në play-off, dhe kalifornianët kanë mundësinë të kalojnë në finale.
Rruga e ekipeve drejt finales:
