Edi Rama fiton mandat të ri në mes të mandatit

113 563 lexime

124,178FansaPëlqeje

Nga Frrok Çupi

Kjo ndodhi, realisht, në krye të kurorës së zgjedhjeve që sapo lamë pas është kjo: Edi Rama u miratua edhe për një mandat të ri në mes të mandatit të tij qeverisës.

Gjithë Shqipëria e votoi në datë 14 maj; shumë më fuqishëm se në vitin 2021 kur mori mandatin 4 vjeçar për të qeverisur vendin. Përmes një ‘intuite’ ndërkontinentale, votuesit shqiptarë iu afruan ligjit unik të Shteteve të Bashkuara ku Etërit e Kombit kishin përcaktuar që ‘të martën pas së hënës së parë të nëntorit, të mbahen zgjedhjet në mes të mandatit’. Intuita pro- amerikane u zgjua kësaj here, jo vetëm për ‘midterm’, por në gjithë orientimin perëndimor të votuesve.

Zgjimi i intuitës së guximshme u ndodh njerëzve kur ndodhen përballë ndonjë rreziku; kësaj here u ndodhën përballë rrezikut anti- perëndimor që mbartte mbi vete koalicioni Berisha- Meta.

Në mbarë vendin u ngulit përfundimisht aspirata pro- perëndimore ‘Përpara, jo mbrapa, vetëm përpara!’.
Bota jonë shqiptare u nda përfundimisht nga ‘ekipi i së keqes’ që bënë rrënim 3 dekada.

Pro- perëndimizmi është kolona e parë ku u mbështet besimi ndaj Edi Ramës për një mandat tjetër duke nisur që nga 14 maji.

Shqipëria nuk pranon të ndahet me mure nga orientimi drejt Perëndimit, kjo duhej provuar edhe kësaj here. Vota për Edi Ramën e rrënoi përfundimisht ‘murin’ fatzi për kombin.

Votuesit e vendit dhanë besim dhe morën besim nga Edi Rama. Qytetaria shqiptare manifestoi dashuri dhe kujdes për vete, për jetën , për fëmijën dhe familjen.

Pala tjetër paraqiti portretin ‘ufo’ të njeriut; të një njeriu që nuk ka jetë, nuk ka familje, nuk ka ekonomi as shije, nuk ka punë tjetër veç ‘Patisë’.

Lexo edhe :  A do largohet Berisha nëse humbet zgjedhjet, ashtu si e parashikon statuti i PD?

Parulla për të ndjekur ‘Ufon’, jo jetën e gjallë, fshihte politikën tinzare për të mbledhur ‘njerëz të sakrificës’ që të mbrojnë korrupsionin e Berishës e Metës- dy ish presidentë që i shkaktuan dëme jetës së njeriut.

Shqipëria qëndroi me garancinë se votoi për një model të luftës kundër korrupsionit dhe mashtrimit.
Në 14 maj gjithë Shqipëria votoi për veprën e qeverisë Rama. Shqipëria ‘është bërë’- siç mund të shkruanin Rilindësit e Kombit.

Është nga më të bukurat mes shoqeve të kontinentit, është më mrekullisht e jetueshme, është më e ëmbla ‘baltë’ se sa mjalta. Shikoni çfarë ndodhi: Populli shqiptar nuk i dëgjoi e nuk i përfilli tribunat dhe ekranet që ‘vajtojnë’ për të keqen e Shqipërisë dhe për ‘shqiptarët, këta njerëz budallenj që nuk bëhen’. Kështu thërrasin apologjetët e së shkuarës.
Shqipëria renditet mes të barabartëve diplomatikisht dhe politikisht, që nga superfuqitë deri te fqinjët.

Këtu nuk ka më luftë, as frikë, as dhunë, as harresë për të dobëtin, as frëngji për të vrarë fqinjin dhe kundërshtarin.

Këtu nuk ka më tribu politikë. Këtu kryeministri është hamalli më i madh i punëve, pastaj vijnë të tjerë.

Në 14 Maj rinisi një mandat i ri për Edi Ramën në krye të qeverisjes së vendit. Në mënyrë alegorike, sikur të flasim, zgjedhjet e tjera parlamentare duhet të mbahen jo në vitin 2025, por katër vjet pas 14 majit 2023.

Është mirë kur njerëzit ndihen mirë e të mbushur në zemër dhe votojnë për të mirën e vet. Është mirë edhe kur pranojmë të vërtetën: Se Edi Rama fitoi për të mirën e vendit.

Të fundit

Shkodër, nxirret jashtë komisioneri i dehur në qendrën e votimit

Një ngjarje e paprecedentë ka ndodhur në një qendër votimi Gur të zi në qarkun e Shkodrës. A2 CNN mëson...

Përfundon “Giro d’Italia 2025”, shkëlqen çiklisti Mats Pedersen

Përfundon etapa e tretë e xhiros së Italisë “Giro d’Italia 2025”. Fitues është shpallur çiklisti nga Danimarka, Mats Pedersen, i cili nga tri etapa...

Tensione te “Petro Nini”, forca të shumta policie rrethojnë shkollën

Teksa pak minuta na ndajnë nga mbyllja e procesit të votimit, tensione regjistrohen në një qendër votimi te Shkolla "Petro Nini". Forca të shumta policie...

Zgjedhjet 2025, përfundon zyrtarisht orari i votimit!

Ka përfunduar zyrtarisht orari i votimit për zgjedhjet parlamentare 2025 në Shqipëri. Mes shumë problemesh në qarqe të ndryshme të vendit, populli vendosi. Sovrani e...

Hernia diskale, simptomat dhe trajtimet natyrale

Hernia diskale ndodh si pasojë e rrëshqitjes e një disku ndërvertebror që ndodhet mes rruazave të shtyllës kurrizore dhe që mundësojnë lëvizjen dhe përkuljen...

Lajme të tjera

Web TV