Ditën që nisi fushata zgjedhore dhe po bëhej prezantimi i kandidatëve të koalicionit “Bashkë Fitojmë”, kandidati për Bashkinë e Tiranës, Belind Këlliçi, hyri në stadiumin “Air Albania” me një autobus.
Në këtë të fundit shkruhej “Autobus falas”, i cili ishte një nga premtimet e kandidatit në këto zgjedhje.
Tani që populli shqiptar votoi dhe numërimi ka përfunduar, rezulton se Këlliçi ka humbur me një rezultat të thellë ndaj kandidatit të Partisë Socialiste, Erion Veliaj.
Ndërkohë që ditën e djeshme, në rrjet po qarkullon një njoftim ku thuhet se autobusi i kandidatit të “Bashkë Fitojmë” është në shitje.
Nuk dihet nëse ky njoftim është i vërtetë apo shaka, por që në të shkruhet se autobusi shitet për shumën 700 mijë lek të rinj.
