Presidenti turk Recep Tayyip Erdogan, ka nisur ditën e sotme me një mesazh në Twitter, referuar raundit të parë zgjedhjeve, ku arriti të marrë 2.5 milionë vota më shumë se kundërshtari i tij, Kemal Kilicdaroglu.
Në mesazhin e tij presidenti turk shkruan se më 28 maj do të jetë edhe fillimi i shekullit të Turqisë. Gjithashtu Erdogan falenderoi të gjithë ata që e ndihmuan dhe është momenti që fitoren e 14 majit ta vulosin me një triumf.
“Faleminderit secilit prej jush për ndihmën, përpjekjet dhe sakrifiat tuaja. E falenderoj Zotin që më ka dhënë shokë të tillë”, shtoi Erdogan.
“Tani është koha për të vulosur fitoren e 14 majit me një triumf edhe më të madh”, vijon presidenti turk, duke nënvizuar se raundi i dytë i zgjedhjeve në Turqi do të zhvillohet një ditë pas 63-vjetorit të grushtit të shtetit të 27 majit.”
Më tej, Erdogan thotë se janë një aleancë e cila vendos mbi të gjitha kombin dhe dashurinë për vendin.
