Demokrati i ditëve të para, Fatmir Merkoçi thotë se humbja e thellë e opozitës në zgjedhjet e 14 Majit kërkon një reflektim të thellë, një bashkim të dy PD-ve dhe një hapje të së djathtës. I ftuar në studion e Fax News, Mërkoçi tha se në një situatë të tillë humbje, Berisha dhe Alibeaj duhet tëjapin dorëheqjen.
“Ajo që është deklaruar në të dyja kampet, qoftë PD, qoftë Foltorja, është e turpshme, nëse ju ka mbetur pak përfaqësim i vërtetë i demokratëve, jo vetëm që duhet të marrin përgjegjësi po duhettë japin dorëheqje. Nuk mund të mbetet peng populli shqiptar i këtyre. Duhet një riformatim i të djathtës reale në Shqipëri.
Ndryshimin e shoh brenda PD-së, që në mënyrë urgjente duhet të bëjë zgjedhjen e kryetarit, duhet të bëhet hapja e vërtetë, sot nuk ka fraksion, të dyja komandohen qoftë nga Berisha, qoftë nga Alibeaj, dhe të dy duhet që të mbajnë përgjegjësi reale. Duhet hapur partia, nëse ju ka mbetur pak shpresë për ta ringritur partinë.
Duhet të bëhet bashkim dhe hapje e partisë, qëllimi i kryetarit duhettë jetë bashkimi i partisë”, u shpreh Merkoçi.
Ndërkohë që dha dhe arsyet që sipas tij çuan në humbjen e opozitës, përfshirë edhe listat e këshilltarëve bashkiakë që sipas tij u diktuan nga LSI.
Merkoçi tha se të djathtës i mungoi përfaqësimi, qoftë në ngjyrat e përdorura në fushatë , qoftë në simbolet e përdorura. Merkoçi tha se ai e gjeti veten jashtë listës së këshilltarëve, edhe pse ishte një prej kandidatëve të primarëve në garë për Tiranës.
Çfarë e penalizoi opozitën?
Një gjë që më penalizoi mua që u bëra pjesë e primareve,është se kërkova bashkimin e partisë, përfaqësia e kandidatëve linte për të dëshiruar. Të gjihë fushatën e bënë në mënyrë individuale nuk e bënë me staf. Belind Këlliçi deklaroi se pavarësisht se kush fitonte në garën e primareve do të ishin së bashku në fushatë. I keni parë ndonjëherë ju?
Në listën e këshilltarëve ishin njerëzit e LSI-së, dy çuna tirone si unë dhe Bogdani nuk ishim fare në listë. Si është e mundur që ti kandidon për të marrë bashkinë dhe nuk je fare në listë. Janë 200 mijë njerëz që nuk kanë votur dhe është i gjithi elektorat i djathtë. 200 mijë njerëz që nuk të erdhën nuk janë vjedhje, të ka braktisur elektorati jot. Nuk ke marrë një bashki të madhe në asnjë qark. Ke humbur bastionet, të humbësh Kamzën, Shkodrën, Vorën, Tropojën, Kukësin… ku janë sot këto qytete?
