Dëshmitë me seanca të mbyllura/ Avokati i Thaçit: Duam të merret vesh e vërteta

113 563 lexime

124,178FansaPëlqeje

Në nisje të seancës gjyqësore në rastin kundër ish-krerëve të Ushtrisë Çlirimtare të Kosovës, mbrojtja e Hashim Thaçit, Gregory Kehoe, shprehu kundërshtimin për seancat të cilat po mbahen të mbyllura dhe kërkoi që procedurat të jenë të hapura për publikun.

Kehoe tha se duan që procedurat të mbahen hapura dhe të merret vesh e vërteta, derisa theksoi edhe shqetësime praktike në ndjekjen e metodave të përdorura nga Zyra e Prokurorit të Specializuar(ZPS).

“Siç e keni vënë re i kemi kundërshtuar të gjitha masat e përdorura nga ZPS për seanca të mbyllura. Por, dua të tërheqë vëmendjen se jo vetëm se kundërshtojmë sepse duam që procedurat të mbahen hapura e të merret vesh e vërteta, por kemi edhe shqetësime praktike në ndjekjen e metodave të përdorura nga ZPS”, tha ai.

Kehoe u shpreh se si pasojë e seancave të mbyllura, kanë vështirësi edhe në parashtrim të pyetjeve. Ndërsa prokurorja Deborah Mayer tha se masat mbrojtëse për dëshmitarët janë marrë me kërkesë të ZPS-së.

Në Gjykatën Speciale në Hagë po vazhdon intervistimi i dëshmitarit të pestë të Prokurorisë, nën masa mbrojtëse. Në rastin ndaj Hashim Thaçit, Kadri Veselit, Jakup Krasniqit e Rexhep Selimit, deri tani kanë përfunduar dëshmitë e katër dëshmitarëve të prokurorisë.

Dëshmia e tyre nuk është bërë e ditur për publikun dhe të njëjtit kanë dëshmuar nën masa mbrojtëse. Ish-krerët e UÇK-së, për të cilët prokuroria pretendon se kanë kryer krime lufte, po gjykohen pas një procedure paraprake që ka zgjatur më shumë se dy vjet. Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm.

Të fundit

Të mirat dhe të këqijat që sjellë ndryshimi i orës!

Sot pas mesnate, akrepat e orës do të shkojnë një orë përpara. Pra kur të jetë ora 2 pas...

“Dua të afrohemi”/ Si iu përgjigj Egli kërkesës së Gjestit?

Në një bisedë të sinqertë mes tyre, Gjesti dhe Egli tentuan të zgjidhin tensionet që kanë shoqëruar marrëdhënien e tyre deri më tani. Pas...

Edi Rama dhe shija e shtetit të ri

Nga Baton Haxhiu E pashë dhe e dëgjova nga fillimi në fund programin “Shqipëria 2030” dhe, për herë të parë pas një kohe të gjatë,...

A mund të ndryshojë muzika shijen e ushqimit? Ja çfarë thotë shkenca

Muzika nuk është vetëm argëtim, por ndikon edhe në mënyrën se si ushqehemi! E keni vënë re ndonjëherë se si një vakt në një restorant...

Mesazhi i Begajt për Kryepiskopin Joan: Nuk jeni vetëm në misionin tuaj

Presidenti Bajram Begaj në fjalën e tij në ceremoninë e Fronëzimit të Fortlumturisë së Tij Joanit, u shpreh se Fronëzimi i Tij shënon një...

Lajme të tjera

Web TV