Napoli nuk lëshon pikë ndaj Interit në stadiumin “Maradona”, fiton 3-1 edhe pse është shpallur prej disa javësh kampion i Serisë A. Ekipi napolitan, i drejtuar nga Luciano Spalletti, e zhbllokoi takimin në minutën e 66-të me Anguissan, që e dërgoi befasisht topin në rrjetë me një kthesë të shpejtë.
Duket theksuar që dalja me karton të kuq e Gagliardinit në pjesën e parë e kushtëzoi shumë lojën e zikaltërve.
Në të 78-tën Simeone arrin të përmbyllë me gol një kundërsulm të vendasve, por goli anulohet për ndërhyrje të parregullt të Zielinskit.
Në minutën e 82-të Romelu Lukaku zgjat këmbën dhe devijon drejt rrjetës topin e pasuar nga Dimarco.
Kundërpërgjigjja e Napolit ishte e menjëhershme, me Di Lorenzon që realizoi një gol fantastik nga jashtë zonës (85’).
Golin që vulosi fitoren 3-1 të Napolit e realizoi Gaetano në kohën shtesë (90+4’).
Gjithsesi, zikaltrit nuk e rrezikojnë pjesëmarrjen në Champions, duke marrë parasysh se Juventusit, sikurse është njoftuar nga mediet italiane, mund t’i hiqen 12 pikë nga klasifikimi.
