Reali i Madridit ia lëshon vendin e dytë Atleticos në LaLiga. Skuadra e “merengues”, e dërrmuar edhe nga ajo humbje e thellë në fushën e Manchester Ciy-t të mërkurën, në Champions, u mposht 1-0 në “Mestalla” nga Valencia në javën e 35-të.
Golin e vetëm të këtij takimi e realizoi Diego Lopez që në pjesën e parë (38’).
Nuk munguan momentet e tensionit në kohën shtesë, me kryesorin që i tregoi kartonin e kuq brazilianit Vinicius Junior.
Gara për vendin e dytë mbetet e fortë, teksa në javën e 36-të, Reali pret Rayo Vallecanon, ndërsa Atletico viziton Espanyolin, që i duhen patjetër pikët për të siguruar mbijetesën.
