Tirana dhe Bylis barazuan dje 2-2 për javën e 35-të dhe të parafundit në Superligë.
Dueli i zhvilluar në “Arena Egnatia” në Rrogozhinë pati dhunë në fundin e ndeshjes, teksa pas fërshëllimës së kryesorit Kridens Meta, drejtuesit e Tiranës dhe tifozët bardheblu u futën në fushë dhe dhunuan arbitrat e ndeshjes.
Tanimë e gjithë vëmendja është te Disiplina, me Tiranën si organizatore e ndeshjes që rrezikon shumë.
Në futbollin shqiptar, ndët vite ka disa precedentë në lidhje me raste të ngjashme dhune.
Në 2014, Bylis dhe presidenti Besnik Kapllanaj u përjashtuan nga gara pas dhunimit të delegatit Besnik Çela.
Në 2019 ishte radha e Kamzës për t’u përjashtuar, teksa kryesori Eldorjan Hamiti rrezikoi jetën në fushë.
Rasti i fundit ishte këtë sezon në Kategorinë e Parë, me Disiplinën që përjashtoi dhe uli një kategori më poshtë Tërbunin, për shkak të dhunës ndaj arbitrave.
Veç kësaj, edhe humbja në tavolinë e Tiranës nuk përjashtohet.
