‘British Airways’ ka anuluar fluturimet për shkak të një problemi teknik. Aeroporti Heathrow ndau në Twitter se linja ajrore kishte hasur probleme me disa sisteme, të cilat ndikuan në disa nisje dhe mbërritje të British Airways, shkruajnë mediat e huaja.
Në vitin 2023, sado e avancuar të jetë teknologjia, çështjet teknike janë ende të shpeshta, si ajo që ndodhi me British Airways në London Heathrow sot.
Që nga ora 22:41 me kohën e Londrës, Flight Aware tregon 118 anulime, 17% e operacioneve ditore të BA në Heathrow. 327 fluturime të tjera janë vonuar, duke arritur në 49% të operacioneve të transportuesit.
