Max Verstappen vijon dominimin në Formula 1 me makinën e Red Bull. Holandezi triumfoi edhe në Çmimin e Madh të Montekarlos, Monako. Piloti holandez u nis nga vendi i parë dhe e menaxhoi në mënyrë perfekte garën.
Podiumi u plotësua nga Fernando Alonso dhe Esteban Ocon. Spanjolli i Aston Martin bëri një garë të mirë dhe e mbylli në vendin e dytë. Ndërsa piloti francez i Alpine, regjistroi podiumin e tretë të karrierës së tij.
Vetëm vendi i katërt për Lewis Hamilton, ndërsa dy pilotët e Ferrarit dështuan sërish. Charles Leclerc u rendit i gjashtu, teksa Carlos Sainz e mbylli në vendin e tetë garën në Principatë.
Piloti tjetër i Mercedes, britaniku Russell u rendit në vendin e pestë, ndërsa 10 vendet e parë u kompletuan nga Gasly (7), Norris (9) dhe Piastri(10).
Pas fitores së sotme, Max Verstappen thellon diferencën me 39 pikë përkundrejt ndjekësit më të afërt. Që është shoku i tij i skuadrës, meksikani Sergio Perez. Gara e radhës në Formula 1 do të zhvillohet në datë 4 qershor në Spanjë.
