Rusia ka rinisur sulmet nga ajri mbi Kiev, duke mos kursyer as qytetarët, të cilët janë rikthyer në kryeqytetin ukrainas.
Në një video të publikuar në media, shihen disa fëmijë të mitur të cilët vrapojnë tmerruar, teksa raketat ruse vërshojnë mbi ta.
Ukraina rrëzoi 11 raketa lundrimi dhe balistike të lëshuara në sulmin e dytë të së hënës në Kiev. Sulmet e rënda ajrore, rreth gjashtë orë më parë, kishin shënjestruar kryeqytetin dhe shkaktuan një zjarr në portin e Odesës në Detin e Zi.
Rusia ka rritur frekuencën e sulmeve ajrore ndërsa Ukraina përgatitet të nisë një kundërofensivë.
Stacionet e metrosë së Kievit, duke përfshirë stacionin qendror, Tetatralna, ishin të mbushura me njerëz të strehuar edhe pse shumë banorë e injoruan alarmin e sulmit ajror derisa dëgjuan shpërthime të forta në qendër të qytetit.
