Elton Qyno
Është liruar nga qelia Mariglen Topuzi, personazhi që u arrestua nga policia e Pogradecit për akuzën e “Përndjekjes” dhe “Kanosjes” së një vajze në këtë qytet.
Vendimi është marrë dje nga gjyqtarja e Korcës, Genta Shukullari, e cila vendosi të mos pranojë kërkesën e “arrestit në shtëpi” që kishte kërkuar prokurori, duke urdhëruar që Topuzi të hetohet në gjendje të lirë me masën e sigurisë detyrimit për paraqitje.
Sipas informacioneve policore, Mariglen Topuzi është lidhje e ngushtë shoqërore e Meardi Berberit ose siç njihet ndryshe në Pogradec me nofkën “Koro…” dhe Laert Haxhiut nga Lushnja, të arrestuar së fundi në Janinë të Greqisë.
Arrestimi i Topuzit erdhi pas një një kallëzimi që ka bërë në polici një vajzë, e cila ka pretenduar se është përndjekur në mënyrë të vazhdueshme dhe kanosur nga Mariglen Topuzi.
Mariglen Topuzi njihet në Pogradec si person me precedentë penalë dhe anëtar i grupit kriminal në këtë zonë që drejtohet nga Ilir Berberi ose siç njihet ndryshe “Lili i Rrushkës”.
