Një aksident ka ndodhur rreth orës 17:00, në Bypass-in e Fierit.
Në aksident janë përfshirë dy mjete, një kamion dhe një mjet i vogël transporti.
Drejtuesi i mjetit të vogël ka ngelur i bllokuar brenda në mjet, policia dhe zjarrfikësit po punojnë për të nxjerrë drejtuesin e mjetit që është jashtë rrezikut për jetën.
Njoftimi i policisë: “Rreth orës 17:00, në Bypass-in e Fierit, automjeti tip “Benz” me drejtues shtetasin Gj. N., 45 vjeç, është përplasur me motomjetin me drejtues shtetasin G. S., rreth 60 vjeç, banues në Hoxharë, Fier. Si pasojë e përplasjes është dëmtuar shtetasi G. S. i cili ndodhet në spital, në kujdesin e mjekëve. Grupi hetimor po punon për përcaktimin e shkakut të aksidentit.”
