Mesfushori i Manchester City-t, Rodri, e merr çmimin “Lojtari i Sezonit” të Championsit, pas një fushate të jashtëzakonshme të mbyllur me medaljen e fituesit.
Paneli i Vëzhguesve Teknikë të UEFA-s e ka vlerësuar spanjollin e kampionëve të Premier Leagues me këtë çmim prestigjioz për faktin që, përveçse ka qenë pikë kyçe në mesfushën e Guardiolës, ka rezultuar vendimtar me golat e tij.
Rodri realizoi një gol të jashtëzakonshëm në sfidën me Bayernin (të parin) në “Etihad”, por ai që rezultojë me peshë maksimale ishte pikërisht finalizimi në finalen ndaj Interit.
“Është një ëndërr. Ky moment nuk do të përsëritet kurrë më. Të gjithë tifozët e City-t e kanë pritur nuk e di sa vite. Ata e meritojnë, ne e meritojmë”, deklaroi 26-vjeçari pas triumfit të Stambollit.
Çmimin “Lojtari i Ri i Sezonit shkoi për talentin e Napolit, Khvicha Kvaratskhelia.
