Me të dëgjuar lajmin për vdekjen e Silvio Berlusconit , Papa Françesku ka dërguar një telegram ngushëllimi familjes.
Bergoglio shprehu “pjesëmarrjen e përzemërt në zinë për humbjen e një protagonisti të jetës politike italiane, i cili mbuloi përgjegjësitë publike me një temperament energjik”.
“Shenjtëria e tij – nënvizon telegrami dërguar vajzës së tij Marina Berlusconi nga kardinali Pietro Parolin – kërkon nga Zoti paqe të përjetshme për të dhe ngushëllim të përzemërt për ata që vajtojnë largimin e tij. Unë bashkohem në ngushëllimet me një kujtim të zjarrtë në lutje”, shkruhet më tej në mesazhin e Papës.
