Megjithëse COVID-19 nuk është më një emergjencë e shëndetit publik, virusi është ende i pranishëm dhe vazhdon të infektojë dhe verë në rrezik popullatat vulnerabël.
Vlerësohet se të paktën 17 milionë njerëz në Europën dhe Azinë qendrore përjetuan gjendjen e post COVID-19 në 2 vitet e para të pandemisë dhe ky numër potencialisht u dyfishua në mbi 34 milionë në 2022.
Ekspertët e shëndetësisë botërore thonë se covid-19 do të jetë për shumë gjatë mes nesh, mbase dhe përjetësisht ndaj OBSH ka hartuar planin e tranzicionit me një shtrirje 5 vjeçare për të forcuar gatishmërinë, reagimin dhe qëndrueshmërinë ndaj emergjencave shëndetësore në Rajonin Evropian, 2024–2029 – ajo që OBSH po e quan Përgatitja 2.0.
Plani i tranzicionit përcakton se si aktivitetet e COVID-19 duhet të menaxhohen dhe integrohen brenda 5 komponentëve thelbësorë për Përgatitjen, Reagimin dhe Rezistencën ndaj Emergjencave Shëndetësore.
Pjesë e këtij plani është shtimi i kapaciteteve laboratorike dhe përdorimin e mjeteve dixhitale për të mbledhur dhe analizuar të dhënat e COVID-19;
Mbrojtja e komunitetit përgjatë ciklit të emergjencës, trajnimi i punonjësve shëndetësorë të vijës së parë dhe forcimi i themeleve për kujdes të sigurt.
OBSH sugjeron që për ta bërë këtë, shtetet anëtare duhet të investojnë në mënyrë strategjike dhe të qëndrueshme në gatishmërinë ndaj pandemisë, duke ruajtur vigjilencën nëpërmjet gatishmërisë së dyfishtë.
