Në një reagim në rrjetet sociale, Fevziu shkruan se ky është një akt agresioni nga Serbia, ndërsa Kosova duhet të marrë masa urgjente për këtë situatë.
“Rrëmbimi i një patrulle të Policisë së Kosovës në kufirin Kosovë – Serbi, sipas autoriteteve shqiptare, në brendësi të territorit të Kosovës, është një shkelje flagrante e të gjitha të drejtave ndërkombëtare. Është një akt agresioni nga Serbia dhe një goditje më shumë në situatën e tensionuar të Veriut të Kosovës në muajt e fundit. Qeveria e Kosovës duhet të ndërmarrë hapa urgjente por edhe duhet të kuptojë se Komuniteti Ndërkombëtar dhe trupat e NATO – s janë garancia dhe mbrojtja jonë më e fortë”.
Kosova thotë se 3 policët e saj u rrëmbyen nga forcat serbe, ndërsa Serbia është kundërpërgjigjur duke thënë se 3 policët kosovarë janë arrestuar pasi ishin të armatosur “gjer në dhëmbë”.
