Partizani rinovon kontratën e Bruno Telushit deri në 2024-ën.
Kapiteni i “të kuqve” të kryeqytetit ka firmosur këtë të dielë kontratën e re me kampionët e Shqipërisë.
Në një postim në rrjetet sociale, Partizani bën me dije se Telushi do të vijojë bashkëpunimin me klubin e “Demave”.
Partizani me kënaqësi zyrtarizon vazhdimin e bashkëpunimit me Bruno Telushin. Kapiteni ynë ka nënshkruar sot kontratën e re të vlefshme deri në 2024, me opsion rinovimi nga ana e klubit dhe për një tjetër vit. Partizani rikonfirmon të ardhmen e Bruno Telushit pjesë e familjes së kuqe, me të cilën është shpallur dy herë kampion i Shqipërisë.”-shkruan Partizani.
